Hospitalo Lu Daopei

La Hospitalo Lu Daopei specialiĝas pri hematologio. La hospitalo estas nomita laŭ D-ro Lu Daopei, kiu estas fama hematologia specialisto kaj pioniro de ĉina ostamedola transplantado, kaj ankaŭ akademiano ĉe la Ĉina Akademio de Inĝenierarto.

Nuntempe ni havas 2 hospitalojn en Ĉinio, nome la Hebei Yanda Lu Daopei Hospitalo kaj la Pekina Lu Daopei Hospitalo. Niaj klinikaj kaj esploraj instalaĵoj provizas kompletan gamon da diagnozoj kaj kuracado por diversaj sangaj malsanoj. Ni fieras pri hematopoezaj stamĉelaj transplantadoj (HSCT), CAR-T, kaj kuracado por leŭkemio, limfomo kaj mielomo.

Ĝis 2018, pli ol 500 pacientoj partoprenis la klinikan teston de CAR-T en nia hospitalo. La kompleta remisio-procento estas ĉirkaŭ 90%. Ni evoluigis la teknologion por ĝustatempa transiro de CAR-T al alo-HSCT, kiu povus superi la riskon de refalo kaj plu plibonigi la longdaŭran postvivo-procenton.

Kiel unu el la plej aktivaj HSCT-centroj, nia HSCT-sekcio plenumas 1/10 de la totalaj HSCT-kazoj en Ĉinio ĉiujare. En 2018, ni kompletigis HSCT-773 kazojn, inkluzive de 546 haplo-HSCT-kazoj.

La Internacia Centro provizas personigitan kaj kulture konvenan subtenon ekde la komenca korespondado ĝis la tago, kiam ĉiu paciento revenas hejmen. Nia celo estas faciligi al pacientoj koncentriĝi pri pliboniĝo kaj bonfarto.