Forta virino el Pakistano batalas kontraŭ leŭkemio

Forta virino el Pakistano batalas kontraŭ leŭkemio

Estas forta virino, ŝia nomo estas Zainab. Ŝi havas 26 jarojn, kaj ŝi venas el Pakistano. Kial mi diras, ke ŝi estas forta? Jen ŝia rakonto.

Mirinda geedziĝo estas la revo de ĉiu virino, kaj ŝi estis edziniĝonta al la viro, kiun ŝi amas. Ĉio estis perfekta, kaj ĉiuj estis okupataj por prepari la geedziĝon. Kaj subite aferoj ŝanĝiĝis. Nur 10 tagojn antaŭ ŝia geedziĝtago, ŝi ricevis febron kaj sentis sin malkomforte. Kiam ŝi venis al la hospitalo, ŝi pensis, ke ĉio estos kiel normale, la kuracisto donos al ŝi iom da medikamento kaj diros al ŝi esti singarda, kaj post tio ŝi povos reiri kaj ĝui sian geedziĝon.

Sed ĉi-foje, la kuracisto estis serioza kaj diris al ŝi, ke ŝi estis diagnozita kun leŭkemio. Kiam ŝi unue sciis, ke ŝi havas leŭkemion, ŝi estis forta kaj pacienca. "Mi nur sentis min iomete ĉagrenita, ke mi ne povas ĝui mian geedziĝon, ĉar, vidu, ĝi okazis nur 10 tagojn antaŭ mia geedziĝtago. Sed mi estis feliĉa kaj dankis Dion pro tio, ke Li donis al mi tian belan rilaton, ke mi geedziĝis en la sama tago." Jen kion ŝi diris al mi.

“En la loka hospitalo, la kuracisto diris al mi, ke mi havas nur unu monaton por vivi, sed mi ne rezignis, same kiel miaj familianoj kaj mia edzo. Ili neniam seniluziigis min, kaj donis al mi forton por batali kontraŭ la leŭkemio. Kaj krom miaj familianoj mi ankaŭ volas danki la organizaĵon, kiu kontribuas por mia kuracado. Ni apartenas al mezbona familio en Pakistano, farante ĉiutagajn laborojn. Ne estis eble por ni pagi tian grandegan sumon. Sed kiam Alaho tenas vian manon, Li sendas iun por helpo. Kaj la nomo de tiu organizaĵo estas Bahria Town Pakistan.”

Post du rondoj de kemioterapio en loka hospitalo, ŝi venis al nia KGT-centro por plia kuracado. Kun helpo de la internacia centro de la hospitalo, ŝia kuracado iris glate. Kaj nun ŝia operacio sukcesis, post du monatoj ŝi povas reveni al sia lando kaj havi novan vivon.

Jen kion ŝi volas diri al aliaj pacientoj, kiuj havas leŭkemion: “Ni devus vivi ĉiun peceton de nia vivo kvazaŭ ĝi estus lasta momento kaj vivi ĝin plene. Ni ĉiuj scias, ke fine ni devos morti iam, kiam Dio pli bone scias. Do faru ĉiun novan tagon pli bona ol la antaŭa, kaj ĉiam havu la deziron fari ion bonan, kiu kontentigas la animon, kaj provu preterlasi la malbonon en vi. Kaj la plej grava afero: Neniam perdu esperon.”